समाचार

नया पत्रिकाले यसरी लुकाउन खोजेको थियो गोकुल बास्कोटाको ७० करोड घुसकाण्ड, पत्रकार ढुंगानाले गरे यस्तो खुलासा

नया पत्रिकाले यसरी लुकाउन खोजेको थियो गोकुल बास्कोटाको ७० करोड घुसकाण्ड, पत्रकार ढुंगानाले गरे यस्तो खुलासा

नयाँ पत्रिका दैनिकले संचारमन्त्री गोकुल बास्कोटाले कमिसनका लागि डिल गरेको अडियो टेपको समाचार लुकाउन खोजेको रहस्य खुलेको छ । मन्त्री बास्कोटाले कमिसनका लागि डिल गरेको अडियो टेप बाहिरिदाँ पनि समाचार लेखेर पत्रिकाले छाप्न तयार नभएपछि नयाँ पत्रिका दैनिकका पत्रकार पुष्प ढुंगानाले पदबाट राजिनामा दिएका छन्। सरकारका प्रवक्ता तथा सूचना तथा सञ्चारमन्त्री गोकुल प्रसाद बास्कोटाको ७० करोडको घुस काण्डको खुलासा भएको थियो । एक स्वीस कम्पनीको नेपाली एजेन्टसँग सेक्युरिटी प्रिन्टीङ प्रेसको खरिदमा ७० करोड कमिसनका लागि सेटिङ घुस काण्ड सार्वजनिक भएको हो ।

राति यसप्रकरणको अडियो टेप पाएपछि लेखेको समाचार पत्रिकाले छाप्न नमानेको पत्रकार ढुंगानाले खुलासा गरेका छन् । सामाजिक सञ्जाल फेसबुकमा एक स्टाटस लेख्दै पत्रकार ढुंगानाले खरदारले सय रूपैया घुस खाएकाे समाचार लेखेर मन्त्रीको अनियमितता लुकाउन नसकिने भन्दै आफ्नो पत्रकारिता यात्रामा ब्रेक लगाएको बताएका छन् ।

‘मेराे पत्रकारितामा निकै नमिठाे अनुभव, मन्त्रीको कमिशन अडियाे पेश हुँदासम्म समाचार बनाउन सकिएन । ग्लानी याे अर्थमा कि मैले कसका लागि पत्रकारिता गर्दैछु ? खरदारले सय रूपैया घुस खाएकाे समाचार लेखेर मन्त्रीको अनियमितता लुकाउन सकिँदैन । त्यसकारण पत्रकारिताकाे यात्रामा ब्रेक लगाएकाे छु’ उनले आफ्नो फेसबुकमा उनले लेखेका छन् ।

काभ्रेको धुलिखेलमा स्थापना गर्ने भनिएको सेक्युरिटी प्रेस स्थापना गर्नका लागि स्वीस कम्पनीसँग सुरुमा कुरा भएपनि उसलाई नदिएर जर्मन कम्पनीलाई ठेक्का दिन लागिएपछि स्वीस कम्पनीका नेपाल एजेण्टले बास्कोटासँग भएको घुस प्रकरणको अडियो क्लिप बुधबार विभिन्न सञ्चारमाध्यमलाई दिएका हुन् । त्यही अडियो क्लिप यतिबेला सञ्चारमाध्यममा भाइरल बनिरहेको छ ।

बास्कोटाले ७० करोड डिमान्ड गरेको अडियो सार्बजनिक भएसँगै मन्त्रीको चौतर्फी विरोध भएको छ । समाचार बाहिरिएसँगै पूर्व प्रधानमन्त्री डा. बाबुराम भट्टराईले अरुको आङ्गमा जुम्रा खोज्नुभन्दा पहिले आफ्नो आङ्गमा भैसी हेर्नुपर्ने बताएका छन् ।

Related Articles

Back to top button
Close