काठमाडौँ । दलितका लागि दलित अभियानका संयोजक एवं दलित अभियान्ता खगेन्द्र सुनार पक्राउ परेका छन।
एक सातादेखि “दलितलाई खै” भन्ने ब्यानरका साथ पप्रदर्शन गरीरहेका दलित अभियन्ता खगेन्द्र सुनारलाई प्रहरीले नियन्त्रणमा लिएको छ । झन्डै अढाई २ किलोको साङ्लो घाँटी,हात खुट्टामा नेल लगाएका प्रतिकात्मक प्रदर्शन गर्दै आएका सुनारलाई आज प्रहरीले नियन्त्रणमा लिइएको हो ।
डोरी संगै बानेश्वरस्थित संसद भवन छिर्न खोजे पछि नियन्त्रण लिनु परेको प्रहरी श्रोतले जनाएको छ । हाल उनलाई प्रहरी वृत्त बानेश्वरमा राखिएको छ ।उनी गत बुधबारदेखि माइतीघरमा प्रदर्शन गर्दै आएका छन ।
‘दलितलाई खै ?’ लेखिएको ब्यनारसहित उनी प्रदर्शन गर्दै आएका उनले प्रधानमन्त्री केपी शर्मा ओली नेतृत्वको मन्त्रीमण्डलमा दलितलाई उपेक्षा गरिएको भन्दै चिन्ता व्यक्त गरेका छन् ।१४ प्रतिशत जनसंख्या ओगटेका दलितलाई बेवास्ता गरेर समावेशीकरण र समतामुलक समाज स्थापना नहुने सुनारको भनाई छ । सङ्घ तथा प्रदेश सरकार र राजनीतिक नियुक्तिमा १३.८ प्रतिशत दलित अनिवार्य गर्नुपर्ने, संवैधानिक रूपमा व्यवस्था गरिएको आरक्षण, समानुपातिक समावेशी व्यवस्था कार्यान्वयन तथा दलितका संवैधानिक हक कार्यान्वयनका लागि तत्काल कानुन निर्माण गर्नुपर्ने १३.८ प्रतिशत दलित प्रत्यक्षतर्फ नै निर्वाचन हुनेगरी निर्वाचन कानुन बनाउनुपर्ने, दलित समुदायमाथि भएका घटनाको न्याय निरूपणका लागि छानबिन आयोग गठन गर्नुपर्ने र बजेट तथा राज्यका स्रोत–शक्तिको बाँडफाट दलितमैत्री हुनुपर्ने उनका माग छन् ।
