सुनौलो पोष्ट संवाददाता२०८१ आश्विन १०
सुनको मूल्यमा कीर्तिमान, कतिमा हुँदैछ किनबेच ?
काठमाडौँ । नेपाली बजारमा आज बिहीबार सुनको मूल्य बढेको छ । अन्तर्राष्ट्रिय बजारमा लगातार उकालो लागेपछि सुनको मूल्य स्थानीय बजारमा पनि हालसम्मकै उच्च विन्दुमा पुगेको छ ।
नेपाल सुनचाँदी व्यवसायी महासंघका अनुसार आजका लागि निर्धारण गरेको सुनको मूल्य हालसम्मकै उच्च हो ।
तोलामा तीन सय रुपैयाँले वृद्धि भएपछि सुनको मूल्यमा नयाँ कीर्तिमान कायम भएको हो । बुधबार प्रतितोला एक लाख ६० हजार ४०० रुपैयाँमा कारोबार भएको छापावाला सुन आजका भने एक लाख ६० हजार ७०० रुपैयाँ निर्धारण भएको छ ।
त्यस्तै चाँदीको मूल्य स्थिर छ । बुधबार प्रतितोला एक हजार ९५५ मा कारोबार भएको चाँदीको मूल्य आजका लागि पनि समान नै निर्धारण भएको छ ।
