म बालक बनी बस्छु काेपिला फूल बीचमा
म फुल्छु याैवना बन्दै फक्रँदाे फूल रुपमा ।
नटिप्नू हातले फूल लाग्दछन् अति सुन्दर
म देव फूलमै रम्छु नटिप हेर सुन्दर ।।
सर्वशक्ति छ याे मातृशक्ति नै फूलमा सधैँ
म रम्छु फूलमै हेर पाप छन् टिप्नुमा अझै।
निमाेठी नछरेस् माथ दया छ मनमा भने
सम्झ याे बैँसमा आफै निमाेठियाै तिमी भने ।।
सुन्दरता यसैमा छ भन्छ याे फूल फुल्दछु
पूर्ण आयु खुसी बाँड्दै बाेटमै म रमाउँछु ।
नचढाऊ कतै फूल म स्वयं नै छु ईश्वर
शुद्ध याे जल अर्पेर बनाऊ दङ्ग ईश्वर ।।
नटिप्नू फूल याे काेही फुङ्ग उड्दछ सृष्टि नै
दङ्ग खुसी कहाँ मिल्छ निमाेठी द्वदृष्टि नै ।
सुन्दरता नछाेइ हेर भनेझैँ फूलमा पनि
हेर दङ्ग परी हाँस नटिप तर क्वै पनि ।।
ईश्वरकाे छ नै रुप वासना मग्मगाउँछ
जाे टिप्छ ऊ दुखी हुन्छ त्यसैले दुःख पाउँछ।
फूल राेप त्यही गाेड नटिप कहिल्यै पनि
सुख सन्तुष्टि छन् हेर रमाऊ त्यसमै अनि ।।
(हरिभक्त सिग्देल “महेश” प्रहरी नायव उपरिक्षकबुढानिलकण्ड नं. पा. वडापुर्व नं.-९, बरफेदी, मण्डिखाटार “हरिको घर” काठमाडौं।)
