काठमाडौँ । पाश्चिममेलि लोक दोहोरी तथा देउडा गायक तथा सर्जक रमेश कठायतको अत्येतै मार्मिक देशभक्ति गीत उठ युवा सार्वजनिक भएको छ ।
रमेश कठायत युटुव च्यानलबाट सार्वजनिक भएको उक्त गीतमा युवाहरुको दुःख पिर लिएर नेताहरुलाई कटाक्ष गरिएको छ भने अहिलेका नेताहरुबाट देश बनाउन असम्भव भएको र देश बनाउनको जिम्मा युवाहरु नै अगाडी बढ्नु पर्ने गीत मार्फत कथा र पात्रमा प्रस्तुत गरिएको छ ।
उक्त गीतमा पछिल्लो समयका चर्चित कलाकारहरु रमेश कठायत,सुरेश शाही, धर्मराज न्यौपाने, राजेन्द्र बाजुराली, खगेन्द्र न्यौपाने, इब्सल संज्याल, रेखा जोशी, संगीता कडुवाल, संगीता शाही र अविता बमले स्वर दिएका छन् भने अभिनय यशु भट्टाई, प्रकाश शाही र रमेश आफैले गरेका छन् ।
गीतमा कर्णाली प्रदेशको समेत कथा वस्तु लाई समेटिएको छ । गीतको निर्देशन भने रमेश आफैले गरेका हुन् । कालिकोटको पचालझरना गाउँपालिकामा वडा नंवर २ खयरकोट मा जन्मेका रमेशले पछिल्लो समय एक दर्जन भन्दा बढी गीतहरु स्वर दिनुका साथै बजारमा ल्याइसकेका छन् ।
स्कुलले जिबन देखि कलाकारिता क्षेत्रमा रुचि राख्दै आएका रमेश पछिल्लो समय गित संगितमा व्यस्त रहेका छन।
नेपालको सबैभन्दा अग्लो झरना पचालझरनालाई चिनाउनका लागि थुप्रै गीतहरु बजारमा ल्याएका छन् । उनी अभिनय, रचना, संगीत सबै आफै गर्ने गर्छन् ।
कठायत सानो उमेर देखि नै गित संगित लागी थुरै आरोह अवरोह पार गरी यहाँ सम्म पुगेका व्यक्ति हुन ।
