अन्तर्राष्ट्रिय समाचार

कोभिड–१९ बाट अमेरिकामा २ लाख ४० हजारसम्मको मृत्यु हुनसक्छ : ट्रम्प

अमेरिकी राष्ट्रपति डोनाल्ड ट्रम्पले अमेरिकामा कोरोना भाइरस (कोभिड–१९)बाट मृत्यु हुनेको संख्या २ लाख ४० हजारसम्म पुग्नसक्ने बताएका छन् ।कोरोना भाइरसका कारण अबको दुईसाता निकै संवेदनशील रहेको भन्दै उनले यसतर्फ सचेत रहन सबैलाई आग्रह समेत गरेका छन् ।

मंगलबार पत्रकारहरुसँगको कुराकानीका क्रममा ट्रम्पले अबको दुईदेखि तीन सातामा कोरोना भाइरसबाट अहिलेसम्म नदेखेको परिणाम भोग्नुपर्ने बताएको सीएनबीसीले जनाएको छ । अबको दुई सातासम्म अमेरिकामा मृत्यु हुनेको संख्या उत्कर्षमा पुग्ने उनको भनाइ छ ।

अमेरिकामा अहिले विश्वमा सबैभन्दा धेरै कोरोना भाइरसका संक्रमित भेटिएका छन् । अहिलेसम्म अमेरिकामा एक लाख ८४ हजार संक्रमित फेला परिसकेका छन् । अमेरिकाको न्युयोर्कमा मात्र अहिलेसम्म ७५ हजारभन्दा धेरै संक्रमित भेटिइसकेका छन् ।यसअघि न्युयोर्कका गभर्नर एन्ड्र्यु कुओमोले अबको तीन सातामा कोरोना भाइरसबाट मृत्यु हुनेको संख्या उत्कर्षमा पुग्ने बताएका थिए । उनले आफूहरुले सोचेभन्दा यो भाइरस निकै शक्ति र जोखिमपूर्ण रहेको बताएका थिए ।

ट्रम्पले मंगलबार बोल्दै आफूहरुले अहिलेसम्म देखेकोमध्ये सबैभन्दा कठिन तीन साताको सामना अमेरिकाले गर्नुपर्ने बताए । उनले आफू मृतकको संख्या सकेसम्म कममा लाग्न प्रयासरत रहेको पनि बताएका छन् ।

Related Articles

Back to top button
Close