समाचार

के नोटबाट सर्छ कोरोना भाइरस ? यसो भन्छन् चिकित्सक

कोरोना भाइरसको प्रकोप बढ्दै जाँदा केही समयअघि चिनियाँ बैंकहरुले नोट धुनुका साथै तिनलाई संक्रमणरहित बनाएका थिए। तर नोटबाट भाइरस सर्न कति सम्भव छ त? जोन्स हप्किन्स युनिभर्सिटीस्थित सेन्टर फर हेल्थ सेक्युरिटीका वरिष्ठ विद्वान डा. अमेश अदल्जा भने नोटबाट सर्ने भाइरसप्रति धेरै चिन्तित नहुन आग्रह गर्छन्। ‘यो श्वासप्रश्वाससम्बन्धी भाइरस हो। त्यसैले यो खोकी, हाच्छ्युँ र शरीरबाट निस्किने र्‍यालसिंगान, आदिबाट सर्छ,’ उनी भन्छन्, ‘यो कुनै पनि चीजसको सतहमा टाँसिएर अर्को मानिसमा सर्न सक्छ।

तर, त्यो सर्ने मुख्य तरिका होइन।’ ‘खासगरी म चाहिँ नोट वा सिक्काबाट भाइरस फैलिने विषयमा धेरै चिन्ता लिन्नँ,’ उनले थपे। यद्यपि पैसा खेलाएपछि हात धुन उनले सुझाए। त्यस्तै नेपालको उत्तरी छिमेकी मुुलक चीनको वुहान प्रान्तबाट फैलिएको नोभेल कोरोना भाइरस (कोभिड–१९) ले अहिले पुरै विश्व जगतमा नै आतंक मच्चाइरहेको छ । यो भाइरसको संक्रमण १ सय २० देशमा पुगिसकेको छ । अहिले सम्म १ लाख १९ हजार ४ सय ५५ जनामा कोरोनाको संक्रमण देखिएको छ । संक्रमणबाट ज्यान गुमाउनेको संख्या ४ हजार ३ सय २ पुगेको छ । त्यस्तै संक्रमितमध्ये ६६ हजार ५ सय ९४ जना उपचारपछि घर फर्केका छन् ।कोरोना पछिल्लो समय खाडीमुलुकमा पनि महामारीका रुपमा फैलिन थालेको छ।

अहिेलसम्म मध्यपूर्वी सबै देशहरुमा यसका संक्रमित बिरामी भेट्एिका छन्। खाडीमुलुकमा उल्लेख्य संख्यामा नेपालीहरु रोजगारी तथा व्यवसाय गरेर बसेका छन्। खाडीमा सबैभन्दा बढि संक्रमित बहराइनमा देखिएका छन्। बहराइनको स्वास्थ्य मन्त्रालयका अनुसार अहिलेसम्म १ सय ८९ जनामा यसको संक्रमण देखिएको हो । जसमध्ये ३० जना उपचारपछि निको भएका छन् ।बुधवार मात्रै बहराइनमा यस हप्ता इरानबाट जहाजमार्फत ल्याइएका ७७ जना नयाँमा यसको संक्रमण देखिएको हो । बहराइनमा १५ हजारदेखि २० हजारको हाराहारीमा नेपाली रोजगारीका लागि पुगेका छन्।

बहराइनपछि युएईमा बढि संक्रमित भएका छन । युएईको स्वास्थ्य मन्त्रालयका अनुसार हालसम्म ७४ जनामा कोरोना भाइरस संक्रमण भएको पुष्टि भएको छ। जसमध्ये १२ जना उपचारपछि निको भएका छन् । २ जनाको अवस्था गम्भिर छ । संक्रमित मध्ये २ जना त्यहाँ काम गर्न गएका नेपाली पनि हुन् । युएईमा करिब ३ लाख नेपाली कार्यररत छन् ।कुवेतमा हालसम्म ६९ जनामा कोरोना संक्रमित भेटिएका छन् । जसमध्ये १ जना उपचारपछि निको भएका छन् ।संक्रमणबाट बच्न कुवेतले पनि उच्च सतर्कता अपनाउँदै आएको छ । हालसम्म कुनै पनि आप्रावासी कामदारमा यसको संक्रमण देखिएको छैन् ।

कुवेत सरकारले सार्वजानिक कार्यक्रम गर्न पूर्ण रुपमा रोक लगाएको छ । त्यस्तै स्कुल, कलेज समेत बन्द गरेको छ ।कुवेतमा करिब ७५ हजार देखि ९० हजारको हाराहारीमा नेपालीहरु रोजगारीका लागि पुगेका छन्। कतारमा अहिलेसम्म २४ जनामा कोरानाको संक्रमण देखिएको छ । कतारमा भेटिएका बिरामीमध्ये प्रायःजसो इरानको यात्रासँग सम्बन्धित छन् कतारमा झण्डै ४ लाखको हाराहारीमा नेपाली छन् । कतारमा संक्रमित देखिएका २४ जना मध्ये ३ जना आप्रावासी कामदार रहेको बताइएको छ । तर, उनीहरुको राष्ट्रियता बारे केहि खुलाइएको छैन् ।

कोरोना संक्रमणको प्रकोपलाई फैलन नदिन भन्दै कतार सरकारले १४ देशका नागरिकलाई प्रवेश निषेध गरेको छ ।महामारीको रुप लिन सक्ने सम्भावित जोखिमलाई मध्यनजर गर्दै नेपालसहित, भारत, चीन,इजिप्ट, इरान, इराक,लेबनान, बंगलादेश, पाकिस्तान, फिलिपिन्स, दक्षिण कोरिया, श्रीलंका, सिरिया र थाइल्यान्डका नागरिकलाई अस्थायी रूपमा प्रवेशमा रोक लगाएको छ । त्यस्तै स्कुल, कलेजहरु पनि बन्द गराएको छ ।साउदी अरबमा २० जनामा यसको संक्रमण देखिएको साउदीको स्वास्थय मन्त्रालयले जनाएको छ ।कोरानाले उग्ररुप लिन थालेपछि त्यहाँको सरकारले उच्च सतर्कता अपनाउन थालेको छ।

Related Articles

Back to top button
Close